Logo

भिडियोमा हेर्नुहोस्, भावुक हुँदै प्रचण्डले भने, “विप्लवले सबैभन्दा पहिला मलाई मार्न मान्छे खटाएछन्”

सत्तारुढ दल नेपाल कम्युनिस्ट पार्टी (नेकपा)का अध्यक्ष पुष्पकमल दाहाल (प्रचण्ड)ले आफूलाई मार्नका लागि नेत्रबिक्रम चन्द (विप्लव) समूहले टिम परिचालन गरेको बताएका छन् ।

बिहीवार राजधानीको पेरिशडाँडास्थित नेकपा पार्टी कार्यालयमा आयोजित कार्यक्रममा बोल्दै प्रचण्डले हिजो सँगै जनयुद्ध लडेका साथी (विप्लव)ले आफ्नो ज्यान मार्ने निर्णय गरी टिम परिचालन गरेको सूचना पाएको बताए ।

‘मलाई आज (बिहीबार) विहान सरकारका तर्फबाट जानकारी आयो, मलाई (प्रचण्ड)लाई नै एक नम्बरमा मार्नुपर्छ भनेर उहाँहरुले माइन्यूट (निर्णय) गर्नुभएको छ रे, र टिम पनि खटाउनु भएको छ रे,’ प्रचण्डले भने, ‘मलाई मारेर यो संघीय लोकतान्त्रिक गणतन्त्र, यो परिवर्तन बच्ने हो त ?’

सरकारले गरेको निर्णय (विप्लवमाथि प्रतिबन्ध लगाउने) विषयको प्रसंग उठाउँदै प्रचण्डले हिजो सँगै लडेका साथीहरुको माया र दया लागेको पनि बताए ।
अध्यक्ष प्रचण्डले अहिलेको परिस्थिति जनयुद्ध थाल्दा (२०५२) सालको जस्तो नभएको उल्लेख गर्दै निधार खुम्च्याएर सोच्न विप्लवलाई सुझाव दिए ।

प्रतिक्रिया दिनुहोस्