Logo

जब राजा वीरेन्द्रले सडकमा अलपत्र महिलालाई गाडीमा लिफ्ट दिए..हेर्नुहोस्

काठमाडौं ।- मुलुकमा राजसंस्था अन्त्य भएको एक दशक नाघिसकेको छ । तर, शाहवंशीय राजाहरुको सकारात्मक कुराहरु सामाजिक सञ्जालमा भने आइरहेका छन् । मुलुकको अन्तिम शाहवंशीय राजा ज्ञानेन्द्र बने । उनका दाजु राजा वीरेन्द्रको २०५८ जेठ १९ गते भएको राजदरबार हत्याकाण्डमा वंशनाश भयो ।

उनै राजा वीरेन्द्रसहित उनको पूर्खाको सकारात्मक कुराहरु सामाजिक सञ्जालमा आइरहेको छ । यसैक्रममा शुक्रबार रागव शम्शेर राणाले राजा वीरेन्द्रको तस्विरसहित एक महिलालाई लिफ्ट दिएको सामाजिक सञ्जालमा लेखेका छन् । उनकाअनुसार २०५६ सालको दशैंको टीकाको भोलिपल्ट साँझ पर्न लागेको बेला सडकमा बच्चासहित गाडी कुरेर बसेकी महिलालाई राजा वीरेन्द्रले लिफ्ट दिएका थिए ।

रागव राणाले फेसबुकमा लेखेका छन्, ‘दसैं टीकाको भोलिपल्ट २०६५ साल साँझ पर्न लागेको थियो । नुवाकोट ककनी हुँदै काठमाण्डौं छिर्ने सडकमा सार्वजनिक यातायातका गाडी त्यत्ति गुडेका थिएनन् । एकान मध्ये सबै साधन दसैंमा जाने आउने यात्रुले ठेलम ठेल थिए । गन्तव्यमा पुग्न सार्वजनिक साधन कुरेर बसेका यात्रुका लागि ठाउँ पाउन मुश्किल थियो । यस्तैमा यौटा कार ककनी हुँदै ओशोतपोवन रहेको गोलढुङ्गा फर्याङ आइपुग्यो । गाडीमा तीन यात्रु थिए । एक जना चालकसँगैको सिटमा उनकी श्रीमती, पछिलतिरको सिटमा सैनिक बर्दी लगाएका अर्को एक पुरुष कार चालकको आँखा गाडी नपाएर निराश र हताश मुद्रामा अघि बढिरहेको एक दम्पतीतिर पर्यो । ति मध्ये पतिले एक बालक बोकेका थिए भने बाँकी केटाकेटी हिँड्दा हिँड्दै थकित भैसकेकी पत्नीले समाइरहेकी थिइन् । गाडी नपाएर यस्तो सास्ती भोगिरहेकी दम्पतीको अघिल्तिर कार रोकियो । चालकले लोग्ने मान्छेसँग सोधे कहाँ पुग्ने हो ? उनले जवाफ दिए भक्तपुरको सुडाल । चालकले बच्चासहितको दम्पतीलाई कारमा बस्न अनुरोध गरे । अनि बालाजु बाइपाससम्म ल्याएर छाडिदिए । त्यस कारका चालक अरु कोही थिएनन्, स्वर्गीय राजा श्री पाँच बिरेन्द्र थिए । सँगै साथमा थिइन् रानी ऐश्वर्या, कारको पछिलतिरको सैनिक बर्दीवाल राजा वीरेन्द्रका एडीसी महासेना सुन्दर प्रताप राणा थिए।’

दसैं टिकाको भोलि पल्ट 2056 साल साँझ पर्न लागेको थियो। नुवाकोट ककनी हुँदै काठमाण्डौं छिर्ने सडकमा सार्वजनिक यातायातका…

Posted by राज संस्था on Thursday, 23 January 2020

प्रतिक्रिया दिनुहोस्