Logo

राष्ट्रिय झण्डा जलाउने देशद्रोहीलाई कानूनी कारवाही गर्न माग (भिडियो सहित)…

समाजवादी पार्टीको भ्रातृसंगठन समाजवादी युवासंघले युट्युब च्यानलमार्फत एक गीत सार्वजनिक गर्दै राष्ट्रिय झण्डा जलाउने समुहलाई कानूनी कारवाही गर्न माग गरेको छ । समाजवादी युवा संघका अध्यक्ष समेत रहेका प्रदेश नम्बर २ सरकारका कृषि भूमिसुधार तथा सहकारी राज्यमन्त्री योगेन्द्र राययादवले एक विज्ञप्ति जारी गर्दै राष्ट्रिय झण्डा जलाउने देशद्रोहीमाथि कारवाहीको माग गरेका हुन् । अध्यक्ष यादवद्वारा जारी विज्ञप्तिमा नेपालको पहिचान,

https://www.youtube.com/watch?v=lL-jwQTLiZ4

राष्ट्रियता एकता र संवेदनशीलतामाथि प्रहार गरि जातिय सद्भावमा खलल पुर्याउने उक्त गीत भत्र्सनायोग्य भएकोले उक्त गीत प्रसारण गर्ने सबैमाथि कार्वाही हुनुपर्नेमा जोड दिइएको छ । भदौ १ गते मंगोल हब अफियिल नामक युट्युब च्यानलबाट प्रशारित र्याप गीत देशद्रोहीमा प्रयोग भएका शब्द र दृश्यप्रति गम्भिर आपत्ति भएको समेत विज्ञप्तिमार्फत जनाइएको छ । अध्यक्ष यादवले मुलुकी अपराध संहिताअनुसार राष्ट्रिय झण्डाको अपमान गर्नेलाई ३ वर्ष कैद र जरिवाना समेत लिने व्यवस्था रहेकोले तत्काल सोअनुसार कारवाही गर्न माग गरेका छन् ।

प्रतिक्रिया दिनुहोस्