Logo

दुखद खबर: विराटनगरमा कोरोना संक्रमित महिलाको मृत्यु !

विराटनगरको कोशी अस्पताल कोभिड–१९ उपचार केन्द्रमा थप एक कोरोना संक्रमित महिलाको उपचारका क्रममा मृत्यु भएको छ । सिराहाको लाहान घर भई विराटनगर महानगरपालिका– १० बस्ने ६५ वर्षीया महिलाको शुक्रबार बिहान १०ः४५ बजे मृत्यु भएको केन्द्रका प्रमुख वरिष्ठ फिजिसियन डा. दीपक सिग्देलले जानकारी दिए ।

बिहीबार कोरोना पोजेटिभ देखिएपछि राति १० बजे अस्पतालमा भर्ना गरिएको थियो । सिग्देलका अनुसार बिहान ७ बजेदेखि महिलाको स्वास्थ्य अवस्था गम्भीर बनेपछि भेन्टिलेटरमा राखेर उपचार थालिएको थियो ।

मृतकमा दमको पुरानो समस्या रहेको डा. सिग्देलले बताए । शुक्रबार मोरङको बेलबारी नगरपालिका ५ कि ५६ वर्षीया कोरोना संक्रमित महिलाको विपी कोइराला स्वास्थ्य विज्ञान प्रतिष्ठान धरानमा मृत्यु भएको थियो ।

प्रतिक्रिया दिनुहोस्